|
|
Du er min los
Jakob Sande/mel. Widar Bjerkaker
Du er min los
på leia eg dreg,
du er mitt ljos
på nattville veg.
Sjølv om du vankar
langt her i frå,
i mine tankar
bur du enn då.
Der skal du bu
som song i mitt sinn,
venen min,
du som einast er min.
Der skal din kjærleik
vere mi bøn,
der skal din nærleik
vere min løn.
Einsam eg stod
Og du vart min del:
blod av mitt blod
og sjel av mi sjel.
|
Du er min los - J.Sande