|
Augustkveld
Jakob Sande/mel. Widar Bjerkaker
Linnsus syng over åker og eng,
gullgule aksi svagar.
Solvarme drag over bygdi gjeng,
- det mognast i kyrre hagar.
Og fuglen fløyter så mjukt og stilt,
so langt, so langt burti skogen.
Blånande fjell i kveldsol og dis,
skjelvande bjørk fram på stupet.
Havet det femner i voggande bris,
langt nedi det blåsvarte djupet.
Og fuglen fløyter så mjukt og stilt,
so langt, so langt burti skogen.
(Instrumental)
Skjelvande sus i det gule korn,
- hauking og lokk i lider.
Ljomande lokkar et gjætarhorn,
- tagnar og døyr omsider…
Og fuglen fløyter så mjukt og stilt,
so langt, so langt burti skogen.
| 
Augustkveld - J.Sande